آر ایل این جی کی قیمتوں میں اضافہ

ماہِ اگست کیلئے آر ایل این جی کی قیمتوں میں اضافہ کردیا گیا۔

آئل اینڈ گیس ریگولیٹری اتھارٹی(اوگرا) کی جانب سے آر ایل این جی کی قیمتوں میں اضافے کا نوٹیفکیشن جاری کردیا گیا ہے۔

نوٹیفکیشن کے مطابق سوئی نادرن کے لیے آر ایل این جی کی قیمت میں 2.97 اور سوئی سدرن کے لیے 3.19 فیصد اضافہ کیا گیا ہے۔

سوئی ناردرن کے لیے آر ایل این جی کی قیمت میں 0.4038 ڈالر فی ایم ایم بی ٹی یو اضافہ ہوا ہے جبکہ سوئی سدرن کی قیمت میں 0.4206 ڈالر فی ایم ایم بی ٹی یو اضافہ ہوا ہے۔

نوٹیفکیشن کے مطابق سوئی نادرن کے لیے آر ایل این جی کی ڈسٹری بیوشن قیمت 14.0065 ڈالر فی ایم ایم بی ٹی یو مقرر کردی گئی ہے۔

سوئی سدرن کے لیے آر ایل این جی کی ڈسٹری بیوشن قیمت 13.5773 ڈالر فی ایم ایم بی ٹی یو مقرر ہوگئی ہے۔