فرمان الہی
نماز کے اوقات
کراچی(اسٹاف رپورٹر) ایڈیلیڈ اسٹرائیکرز نے ٹاپ اینڈ ٹی ٹوئنٹی سیریز کے سیمی فائنل میں پاکستان شاہینز کو 30 رنز سے شکست دےکر اس کی پرواز روک دی ۔ جیک ونٹر نے 8 چھکوں اور 6 چوکوں کی مدد سے104 رنز اسکور کیے۔ جیک نے فیصل اکرم کے ایک ہی اوور میں5 چھکے مارے ۔ اتوار کو شاہینز نے ٹاس جیت کر ایڈیلیڈ اسٹرائیکر کو بیٹنگ کی جس نے 5 وکٹ پر 197 رنز اسکور کیے۔ 53 پر تین وکٹ گرنے کے بعد جیک ونٹر اور ہیری میننٹی نے چوتھی وکٹ پر 73 رنز جوڑے ۔ ہیری میننٹی نے 52 رنز بنائے ۔ عباس آفریدی نے تین اور فیصل اکرم نے دو وکٹیں حاصل کیں۔ جواب میں پاکستان شاہینز167 رنز بناکر آؤٹ ہوگئی۔ پانچویں اوور تک اس کی 4 وکٹیں صرف 33 رنز پر گرگئی تھیں۔ کپتان محمد حارث 19، عثمان خان 32 ، مبصرخان 18 اور عباس آفریدی نے 3 چھکوں اور5 چوکوں کی مدد سے 54 رنز اسکور کیے۔ انہوں نے عارف یعقوب کے ساتھ آٹھویں وکٹ کی شراکت میں 60 رنز کا اضافہ کیا ۔ لیئم اسکاٹ نے تین وکٹیں حاصل کیں۔
