جنرل باجوہ کے کورٹ مارشل کے سوال پر عارف علوی نے کیا کہا؟

190 ملین پاؤنڈ کیس کی سماعت کے سلسلے میں اسلا م آباد ہائی کورٹ آنے والے سابق صدرِ پاکستان عارف علوی سے ایک صحافی نے سوال کیا کہ کیا جنرل باجوہ کا کورٹ مارشل ہونا چاہیے؟

سابق صدر عارف علوی نے جواب دیا کہ مجھ سے نہیں بانیٔ پی ٹی آئی سے یہ پوچھیں۔

صحافی نے عارف علوی سے سوال کیا کہ آپ سپریم کمانڈر تھے تو جنرل فیض پر بہت سے الزامات لگے تھے۔

سابق صدر نے جواب دیا کہ بعد میں بہت کچھ ہوتا رہا، جو اَب ہوگا وہ اچھا ہو گا۔

صحافی نے ان سے سوال کیا کہ آپ کے نوٹس میں یہ سب چیزیں تھیں۔

سابق صدر عارف علوی نے جواب دیا کہ میرے نوٹس میں بہت کچھ ہے۔

اس سے قبل سابق اسلام آباد ہائی کورٹ میں ’جیو نیوز‘ سے گفتگو کے دوران سابق صدرِ پاکستان ڈاکٹر عارف علوی نے کہا کہ ہمیشہ آڈیو لیک کے خلاف رہا ہوں، میری پرائیویٹ گفتگو کسی کو سننے کا حق نہیں ہے۔

ان سے بانیٔ پی ٹی آئی کی رہائی سے متعلق سوال پوچھا گیا تو انہوں نے جواب دیا کہ ان شاء اللّٰہ بانیٔ پی ٹی آئی جلد باہر آئیں گے۔

سابق صدرِ مملکت ڈاکٹر عارف علوی نے دوبارہ سے ڈینٹل پریکٹس شروع کر دی

اسلامی جمہوری پاکستان کے سابق صدرِ مملک و دندان ساز ڈاکٹر عارف علوی نے صدارتی مدت پوری کرنے کے 8 ماہ بعد ایک بار پھر سے ڈینٹل پریکٹس شروع کر دی۔

سابق صدر عارف علوی سے سوال کیا گیا کہ آپ نے جس انداز سے اسمبلی تحلیل کی اس پر آرٹیکل 6 لگانے کا کہا جا رہا ہے؟

انہوں نے جواب دیا کہ آرٹیکل 6 اگر لگانا چاہیں تو کوشش کر لیں، اپنی یہ خوشی بھی پوری کر لیں، یہ 15 سو کیسز چلا چکے ہیں، مزید بھی کیس بنا دیں، یہ کوشش کر لیں مجھے بھی موقع ملے گا۔

سابق صدر عارف علوی سے سوال پوچھا گیا کہ آپ کیا آرٹیکل 6 کی کارروائی کے لیے تیار ہیں۔

عارف علوی نے جواب دیا کہ میں زندہ بھی اسی ملک میں ہوں اور پاکستان میں ہی رہوں گا، آرٹیکل 6 کیا ہے، زندگی اور موت کی جنگ میں بھی یہیں ہوں۔