شکیب الحسن کی مقدمے میں نامزدگی، بنگلادیش کرکٹ بورڈ کو لیگل نوٹس

بنگلادیش کے کرکٹر شکیب الحسن کی مقدمے میں نامزدگی پر وکیل کی جانب سے بنگلادیش کرکٹ بورڈ کو لیگل نوٹس بھیج دیا گیا۔

بنگلادیش کرکٹ بورڈ کو لیگل نوٹس سپریم کورٹ کے بیرسٹر ساجب محمود عالم کی جانب سے بھیجا گیا ہے۔

لیگل نوٹس میں وکیل نے شکیب الحسن کو تحقیقات کے لیے واپس بنگلادیش بلانے کا مطالبہ کیا ہے۔

نوٹس کے متن کے مطابق شکیب الحسن کو فوری طور پر ٹیم سے نکال کر واپس بنگلا دیش بلایا جائے، آئی سی سی رول کے مطابق مقدمے میں نامزدگی کے بعد وہ  قومی ٹیم میں کھیلنے کے اہل نہیں۔

بنگلا دیشی کرکٹر شکیب الحسن پر قتل کا مقدمہ درج

بنگلا دیش کے کرکٹر شکیب الحسن پر ڈھاکا میں قتل کا مقدمہ درج کر لیا گیا۔

واضح رہے کہ بنگلادیش میں شکیب الحسن کے خلاف فیکٹری ملازم کے قتل کا مقدمہ درج ہے۔

بنگلا دیشی میڈیا کا کہنا تھا کہ مقتول کے والد نے جمعرات کو ڈھاکا کے تھانے میں قتل کا مقدمہ درج کروایا ہے۔

میڈیا رپورٹس کے مطابق کرکٹر شکیب الحسن کو سابق وزیرِ اعظم شیخ حسینہ واجد کے ساتھ قتل کے مقدمے میں نامزد کیا گیا ہے۔