نفرت کے بیج بونے والوں سے آہنی ہاتھوں سے نمٹیں گے، وزیر اعظم آزاد کشمیر

وزیراعظم آزاد کشمیر چوہدری انوار الحق نے کہا ہے کہ نفرت کے بیج بونے والوں سے آہنی ہاتھوں سے نمٹیں گے۔ 

آٹھ مقام میں سرکاری محکمہ جات کے جائزہ اجلاس کے بعد پریس بریفنگ کے دوران چوہدری انوار الحق نے کہا کہ آزاد کشمیر میں اتحادی حکومت کے باوجود میرٹ کی بالادستی اولین ترجیح ہے۔ 

انہوں نے کہا کہ سیاحت کے فروغ اور پن بجلی کی پیداوار بڑھانے کےلیے محکموں کو اہداف دیے ہیں۔ 

بجلی اور آٹے پر مظاہرین کو مذاکرات کی دعوت، وزیراعظم آزاد کشمیر

کراچی وزیراعظم آزاد کشمیر انوار الحق نے کہا ہے کہ...

وزیراعظم آزاد کشمیر نے کہا کہ سرکاری محکموں کی کارکردگی تسلی بخش نہیں ہے۔ 

چوہدری انوار الحق نے کہا کہ تمام وزارتیں ماہانہ کارکردگی وزیراعظم سیکریٹریٹ کو دیں۔ 

انہوں نے کہا کہ 3 روپے یونٹ کے باوجود 33 فیصد ریکوری نہ ہونا سوالیہ نشان ہے۔