کوئٹہ تا چمن پسنجر ٹرین 13روز بعد بحال

صوبۂ بلوچستان کے دارالخلافہ کوئٹہ سے چمن کے لیے پسنجر ٹرین 13 روز بعد بحال کر دی گئی۔

پسنجر ٹرین مسافروں کو لے کر چمن کے لیے روانہ ہو گئی۔

یاد رہے کہ چمن پسنجر ٹرین شیلا باغ میں سیلابی ریلے سے ٹنل اور ٹریک متاثر ہونے سے معطل ہو گئی تھی۔

کوئٹہ سے اندرون ملک کے لیے ٹرین سروس بدستور معطل ہے۔

اندرونِ ملک ٹرین سروس بولان میں دوزان ریلوے پُل تباہ ہونے کے نتیجے میں معطل ہوئی۔

واضح رہے کہ دوزان ریلوے پل کو 25 اگست کو دھماکا خیز مواد سے نقصان پہنچا یا گیا تھا۔