فرمان الہی
نماز کے اوقات
اہلیہ کو تحفے میں ملے قیمتی کپڑوں کی تفصیلات ظاہر نہ کرنے پر برطانوی وزیراعظم کیخلاف تحقیقات کا آغاز کردیا گیا۔
برطانوی میڈیا کے مطابق سر کیئر اسٹارمر کی اہلیہ لیڈی وکٹوریہ کے قیمتی کپڑوں کی خریداری کے پیسے لیبر پارٹی کے عطیہ کنندہ نے ادا کیے تھے۔
سر کیئر اسٹارمر نے جولائی میں وزیراعظم منتخب ہونے کے بعد ان تحائف کی تفصیلات ظاہر نہیں کیں جو پارلیمانی قوانین کی خلاف ورزی ہے۔
کنزرویٹو پارٹی نے وزیراعظم کے خلاف مکمل تحقیقات کا مطالبہ کیا ہے۔
برطانوی وزیراعظم سر کیئر اسٹارمر کی اہلیہ لیڈی وکٹوریہ نے ایک وکیل کے طور پر تربیت حاصل کی اور پہلی بار سرکیئر اسٹارمر سے سال 2000 میں اس وقت ملی تھیں جب وہ ڈاؤٹی اسٹریٹ چیمبرز میں بیرسٹر کے طور پر کام کر رہے تھے، تاہم ان کی شادی 2007 میں انجام پائی۔
لیڈی وکٹوریہ نے بعد میں قانونی پیشے کو چھوڑ کر اپنے بچوں کے اسکول میں گورنر کی حیثیت سے خدمات انجام دیں اور صحت کے شعبے میں بھی کام کیا۔
