تحریک انصاف کو آج ضوابط کے ساتھ جلسے کی اجازت مل گئی

پنجاب حکومت نے تحریک انصاف کو ایس او پیز کے ساتھ آج لاہور میں جلسے کی اجازت دے دی۔

قصور روڈ کاہنہ پر جلسے کے اجازت دوپہر تین سے چھ بجے تک ہوگی۔

وزیراعلیٰ خیبر پختونخوا 8 ستمبر کو اسلام آباد میں کی گئی تقریر پر معافی مانگیں گے، اجازت نامے کا نوٹیفکیشن جاری کردیا گیا۔

ممکنہ رکاوٹوں کو ہٹانے کیلئے ہیوی مشینری استعمال کی جائے گی، پی ٹی آئی

پی ٹی آئی ترجمان نے کہا کہ ہیوی مشینری قافلے سے پہلے لاہور کی طرف روانہ ہوں گی۔

نوٹیفکیشن کے مطابق جلسے کے دوران ریاست یا اداروں کےخلاف نعرے بازی اور بیان بازی نہیں کی جائے گی۔

کوئی اشتہاری مجرم جلسےمیں شرکت نہیں کرے گا، دوسری صورت میں اشتہاری مجرم کی گرفتاری میں تعاون جلسہ انتظامیہ کی ذمہ داری ہوگی، ناکامی کی صورت میں انتظامیہ پر معاونت کا مقدمہ درج ہوگا۔

منتظمین ایس پی ماڈل ٹاؤن، ایس پی سیکیورٹی لاہور سے تعاون کریں گے۔

پی ٹی آئی چیئرمین بیرسٹر گوہر نے کہا ہے کہ انتظامیہ راستوں میں کوئی رکاوٹ کھڑی نہ کرے، رکاوٹیں نہ ہونے پر عوام وقت پر پہنچیں گے اور ہم جلسہ بروقت ختم کرسکیں گے۔

پنجاب اسمبلی میں اپوزیشن لیڈر احمد خان بھچر نے کہا کہ کوشش ہوگی کہ آئین اور قانون کے مطابق پُرامن جلسہ کیا جائے۔