کیلیفورنیا: اسکولوں میں موبائل کے استعمال پر پابندی کا قانون منظور

24 ستمبر ، 2024

امریکا کی ریاست کیلیفورنیا کے اسکولوں میں اسمارٹ فونز کے استعمال کو محدود کرنے یا اس پر پابندی عائد کرنے کا قانون منظور کر لیا گیا۔

غیر ملکی میڈیا کے مطابق اسکول بورڈز کو یکم جولائی 2026ء تک کیمپسز میں اس سے متعلق پالیسی تیار کرنی ہو گی جسے ہر 5 سال بعد اپ ڈیٹ کرنے کی بھی ضرورت ہو گی۔

کیلیفورنیا کے گورنر کا کہنا ہے کہ اسمارٹ فونز کا زیادہ استعمال بے چینی، ڈپریشن اور دیگر دماغی صحت کے مسائل کو بڑھاتا ہے۔

ان کا کہنا ہے کہ یہ نیا قانون طلباء کو تعلیمی، سماجی ترقی اور ان کے سامنے کی دنیا پر توجہ مرکوز کرنے میں مدد کرے گا۔