• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

190 ملین پاؤنڈ ریفرنس: بشریٰ بی بی کے وکیل کی تفتیشی افسر سے جرح مکمل نہ ہوسکی

SD
شبیر ڈار
تازہ ترین
قومی خبریں
03 اکتوبر ، 2024
کولاج فوٹو: فائل
کولاج فوٹو: فائل

190 ملین پاؤنڈ ریفرنس میں بشریٰ بی بی کے وکیل کی تفتیشی افسر پر جرح مکمل نہ ہوسکی۔ کیس کی سماعت ملتوی کردی گئی۔  

راولپنڈی کی اڈیالہ جیل میں احتساب عدالت کے جج ناصر جاوید رانا نے کیس کی سماعت کی جہاں بانی پی ٹی آئی اور بشریٰ بی بی کو کمرہ عدالت میں پیش کیا گیا۔

بانیٔ پی ٹی آئی کی ویڈیو لنک حاضری نہ لگوانے پر جیل حکام کو شوکاز نوٹس

انسدادِ دہشتگردی عدالت اسلام آباد نے بانی پی ٹی آئی کی ویڈیو لنک پر حاضری نہ لگوانے پر اڈیالہ جیل حکام کو شوکاز نوٹس جاری کردیا۔

سماعت کے دوران بشریٰ بی بی کے وکیل عثمان ریاض گل نے کیس کے تفتیشی افسر پر جرح کی، تاہم جرح مکمل نہ ہوسکی۔ 

عدالت نے ریفرنس پر مزید سماعت 5 اکتوبر تک ملتوی کردی۔ آئندہ سماعت پر بھی بشریٰ بی بی کے وکیل تفتیشی افسر پر جرح جاری رکھیں گے۔

نیب کے پراسیکیوٹر جنرل سردار مظفر عباسی ٹیم کے ہمراہ عدالت میں پیش ہوئے تھے۔ 

قومی خبریں سے مزید