علی امین ناکہ بندی کے باوجود نکل گئے، محسن نقوی

06 اکتوبر ، 2024

وفاقی وزیر داخلہ سینیٹر محسن نقوی نے کہا ہے کہ علی امین گنڈاپور ناکہ بندی کے باوجود نکل گئے، ہم نے ان کے عزائم پورے نہیں ہونے دیے۔

لاہور میں پریس کانفرنس کے دوران صحافی نے محسن نقوی سے سوال کیا کہ علی امین گنڈاپور صوبائی اسمبلی پہنچ گئے ہیں، آپ کو پتہ تھا، وہ کہاں ہیں؟

اس پر وفاقی وزیر داخلہ نے کہا کہ جب پولیس نے چھاپا مارا تو تب علی امین گنڈاپور نکل گئے تھے، ہم نے ان کے آنے اور جانے کی ویڈیوز ریلیز کردیں۔

محسن نقوی نے مزید کہا کہ ناکہ بندی کی تھی لیکن علی امین پھر بھی نکل گئے، ان کی کوشش ہے کسی طرح وہ دھرنا دیں اور انہیں ڈیڈ باڈی ملے۔

ان کا کہنا تھا کہ ہم نے ان کے عزائم پورے نہیں ہونے دیے، پی ٹی آئی کی قیادت مستقبل میں صرف کارکنوں کو جیل بھجوائے گی۔

وفاقی وزیر نے یہ بھی کہا کہ پی ٹی آئی کی قیادت جلسہ کا ٹائم دے کر خود گھروں میں بیٹھی رہتی ہے۔

انہوں نے کہا کہ تعمیر کے بعد اسٹیڈیم کی کیپیسٹی 30 ہزار سے زائد ہوجائے گی، پُرامید ہوں کہ بھارتی ٹیم پاکستان آئے گی۔

قومی خبریں سے مزید

علی امین کی واپسی گرفتاری کا کہنے والوں پر طمانچہ ہے، فیصل کریم کنڈی