پاکستان اسٹاک ایکسچینج کے 100 انڈیکس نے 86 ہزار کی حد عبور کرتے ہوئے آج ایک اور ریکارڈ قائم کر لیا ہے۔
پاکستان اسٹاک ایکسچینج کا 100 انڈیکس 727 پوائنٹس کے اضافے سے 86 ہزار 391 پر آ گیا۔
کاروبار کے دوران انڈیکس 86 ہزار 451 کی بلندی کو بھی چھو گیا۔
واضح رہے کہ 100 انڈیکس یکم اکتوبر سے 5 ہزار پوائنٹس بڑھ چکا ہے۔
گزشتہ روز کاروبار کے اختتام پر انڈیکس 85 ہزار 663 پوائنٹس پر بند ہوا تھا۔
ادھر انٹربینک میں آج کاروبار کے دوران امریکی ڈالر 3 پیسے مہنگا ہوا ہے۔
انٹربینک میں ڈالر 3 پیسے مہنگا ہونے کے بعد 277 روپے 70 پیسے کا ہو گیا۔
گزشتہ روز کاروبار کے اختتام پر انٹر بینک میں ڈالر 277 روپے 67 پیسے کا تھا۔