اسلام آباد میں پی آئی اے دفاتر 3 دن بند رکھنے کا فیصلہ

اسلام آباد میں پی آئی اے کے دفاتر 3 دن بند رکھنے کا فیصلہ کیا گیا ہے۔

اس حوالے سے سرکلر جاری کر دیا گیا ہے جس میں تفصیلات بیان کی گئی ہیں۔

سرکلر کے مطابق پی آئی اے کے اسلام آباد میں دفاتر 14سے 16 اکتوبر تک بند رہیں گے۔

ہائی کورٹ راولپنڈی بینچ کا 14 سے 16 اکتوبر تک تعطیل کا اعلان

نوٹیفکیشن کے مطابق راولپنڈی میں سول کورٹ اور سیشن کورٹ 3 روز بند رہیں گی۔

سرکلر میں بتایا گیا ہے کہ دفاتر شنگھائی کوآپریشن آرگنائزیشن کانفرنس کے پیشِ نظر ہدایت پر بند رہیں گے۔

سرکلر میں کہا گیا ہے کہ ایئر پورٹ پر شفٹ میں کام کرنے والے پی آئی اے کے ملازمین اپنا کام جاری رکھیں گے۔

واضح رہے کہ آج سے وفاقی دارالحکومت کے ریڈ زون میں عام لوگوں کا داخلہ بھی ممنوع قرار دیا گیا ہے۔