مشتاق احمد نے بنگلا دیش کرکٹ ٹیم کو ایک بار پھر جوائن کر لیا

پاکستان کے سابق لیگ اسپنر مشتاق احمد نے بنگلا دیش کرکٹ ٹیم کو ایک بار پھر جوائن کر لیا۔

مشتاق احمد جنوبی افریقا کے خلاف دو ٹیسٹ میچز کی سیریز میں بنگلا دیش کے اسپن بولنگ کوچنگ کی ذمے داری نبھائیں گے۔

 بنگلا دیش کرکٹ کے آپریشنز مینجر شہریار نفیس کا کہنا ہے کہ مشتاق احمد جب بھی دستیاب ہوں گے وہ سیریز بائی سیریز ہمارے ساتھ کام کریں گے۔

بنگلادیش جنوبی افریقہ سیریز: شکیب الحسن کی جگہ حسن مراد اسکواڈ میں شامل

بنگلہ دیش کرکٹ بورڈ نے جنوبی افریقہ کے خلاف سیریز کے لیے شکیب الحسن کی جگہ حسن مراد کو اسکواڈ میں شامل کر لیا۔

واضح رہے کہ اس سے قبل مشتاق احمد نے اگست میں بنگلا دیش ٹیم کے دورۂ پاکستان میں بھی ذمے داریاں نبھائی تھیں۔

جنوبی افریقا اور بنگلا دیش کے درمیان پہلا ٹیسٹ میچ 21 اکتوبر سے شروع ہو گا۔