بانیٔ پی ٹی آئی نے ترمیم کیلئے منظوری دے دی؟

پاکستان تحریکِ انصاف کے رہنماؤں نے اڈیالہ جیل میں اپنے بانی سے ملاقات کی ہے۔

جیل ذرائع کے مطابق تحریکِ انصاف کے 5 رکنی وفد نے بانیٔ پی ٹی آئی سے ملاقات کی۔

اڈیالہ جیل میں ملاقات پر پابندی کا اطلاق بانیٔ پی ٹی آئی پر نہیں ہو گا

حکومت پنجاب کی جانب سے اڈیالہ جیل میں قیدیوں سے ملاقات پر پابندی میں 2 دن کی توسیع کا اطلاق بانیٔ پی ٹی آئی سے ملاقات پر نہیں ہو گا۔

تحریکِ انصاف کے وفد میں بیرسٹر گوہر، سلمان اکرم راجہ، اسد قیصر، علی ظفر اور حامد رضا شامل تھے۔

ذرائع کے مطابق ملاقات میں سیاسی صورتِ حال اور کیسز سے متعلق گفتگو کی گئی۔

ملاقات کے بعد تحریکِ انصاف کا وفد اڈیالہ جیل سے روانہ ہو گیا۔

بعد ازاں سینیٹر علی ظفر نے کہا ہے کہ بانیٔ پی ٹی آئی سے ملاقات ہوئی ہے مشاورت بھی ہو گئی ہے، بانیٔ پی ٹی آئی سے ایک اور ملاقات کے بعد مزید مشاورت کریں گے۔

اس موقع پر صحافی نے سوال کیا کہ کیا بانیٔ پی ٹی آئی نے ترمیم کے لیے منظوری دی ہے۔

اس پر بیرسٹر گوہر نے جواب دیا کہ اس بارے میں مولانا فضل الرحمٰن سے مل کے میڈیا کو آگاہ کریں گے۔