فرمان الہی
نماز کے اوقات
مسلم لیگ (ن) کے سینیٹر پرویز رشید نے کہا ہے کہ جسٹس قاضی فائز عیسیٰ کا نام جگمگاتا رہے گا۔
اسلام آباد سے جاری بیان میں پرویز رشید نے کہا کہ آئین کی بالادستی تسلیم کرنا ہو یا پارلیمنٹ کے فیصلوں کو ماننا، جسٹس قاضی فائز عیسیٰ کا نام جگمگاتا رہے گا۔
انہوں نے کہا کہ بے لگام اختیارات کو آئینی حدود کے اندر رکھنا جسٹس قاضی فائز عیسیٰ کے جمہوری اقدار پر یقین کا مظہر ہے۔
ن لیگی سینیٹر نے مزید کہا کہ منتخب عوامی نمائندوں کو ہتھوڑے سے کچلنے کی روایت ختم کرنے پر آپ قابل تحسین ہیں۔
ان کا کہنا تھا کہ فیصلوں کو کتاب و قانون کے تابع کرنے کا سنہرا سبق قابل تعریف بھی ہے اور قابل تقلید بھی ہے۔
