فرمان الہی
نماز کے اوقات
سیالکوٹ کے علاقے مترانوالی میں شادی کی تقریب میں ملکی اور غیر ملکی کرنسی نوٹ نچھاور کیے گئے، موبائل فون اور کپڑے بھی شرکاء میں بانٹے گئے۔
مترانوالی میں دوست کی شادی پر دلہا کے دوستوں نے شادی پر نوٹوں سے بھرے بیگوں کے منہ کھول دیے۔
انہوں نے خوشی کے اس موقع پر ڈالر، پاؤنڈ، یورو اور پاکستانی نوٹ نچھاور کیے، اس دوران دلہا کے دوستوں نے موبائل فون اور کپڑے بھی شرکاء میں بانٹے۔
سیالکوٹ کے دلہا حامد کو دوستوں نے 5، 5 لاکھ سلامی بھی دی، بارات مترانوالی ڈسکہ سے گوجرانوالہ گئی۔
اُدھر نارووال میں بھی طوطے والی سے آنے والی بارات پر نوٹوں اور کپڑوں کی برسات کی گئی۔
دلہا کے دوستوں اور بھائیوں نے چھت سے سوٹ اور نوٹ نچھاور کیے، بچوں اور بڑوں نے جال لگا کر نوٹ اور سوٹ لوٹے۔
