فرمان الہی
نماز کے اوقات
بالی ووڈ کی معروف اداکارہ انوشکا شرما نے اپنے شوہر اور بھارتی کرکٹ ٹیم کے سابق کپتان ویرات کوہلی کی سالگرہ پر بیٹے کی پہلی تصویر شیئر کر دی۔
فوٹو اینڈ ویڈیو شیئرنگ پلیٹ فارم انسٹا گرام پر اداکارہ نے بھارتی بلے باز کی 36 ویں سالگرہ کے موقع پر یاد گار تصویر شیئر کی ہے۔
سوشل میڈیا پر شیئر کی گئی تصویر میں ویرات کوہلی کے ساتھ ان کے دونوں بچے بڑی بیٹی وامیکا اور نوزائیدہ بیٹا اکائے خوش گوار انداز میں گود میں موجود ہیں۔
اداکارہ نے مذکورہ تصویر کے کیپشن میں کچھ کہا تو نہیں البتہ انہوں نے نظرِ بد سے محفوظ رہنے کا علامتی نشان ’ایول آئی آف‘ اور سرخ دل والے ایموجی کا استعمال کیا ہے۔
اس معروف جوڑی کے چاہنے والے بھارت کے ساتھ ساتھ دیگر ممالک میں بھی موجود ہیں، جو اس خوبصورت پوسٹ کے کمنٹس میں تبصرے کر رہے ہیں اور ورات کوہلی کو ان کی سالگرہ کی مبارک باد اور نیک تمناؤں کا اظہار کر رہے ہیں۔
خیال رہے کہ ویرات کوہلی اور انوشکا شرما 2017ء میں شادی کے بندھن میں بندھے تھے۔
جنوری 2021ء میں ان کے ہاں پہلی اولاد بیٹی نے جنم لیا تھا جس کا نام انہوں نے وامیکا رکھا تھا، سنسکرت میں وامیکا کا مطلب درگا دیوی ہے۔
اس جوڑی کے یہاں رواں سال فروری میں دوسری اولاد بیٹے نے جنم لیا، جس کا نام انہوں نے اکائے رکھا ہے، سنسکرت میں اکائے سے مراد امر، لا زوال اور لافانی کے ہیں جبکہ ترک زبان میں اس کا مطلب چمکتا ہوا چاند یا چاند کی چمک ہے۔
انوشکا شرما بالی ووڈ کی ایک کامیاب اداکارہ اور پروڈیوسر ہیں جبکہ ویرات کوہلی کا شمار دنیا کے بہترین کرکٹرز اور بھارتی کرکٹ ٹیم کے سابق کپتانوں میں ہوتا ہے۔
