• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈیمنشیا کی علامات کئی برس قبل ظاہر ہو جاتی ہیں، تحقیق

آج کا اخبار
یورپ سے
16 نومبر ، 2024
لندن( نیوز ڈیسک)ڈیمینشیا کی وجہ سے کسی بھی انسان میں بہت ساری جسمانی تبدیلیاں ہوتی ہیں لیکن ان میں سے کچھ تبدیلیاں بیماری کی تشخیص سے سالوں پہلے ظاہر ہوتی ہیں۔ اس حوالے سے کی جانے کئی تحقیق میں بتایا گیا ہے کہ ذہنی صحت متاثر کرنے والی یہ بیماری جسے الزائمر بھی کہتے ہیں خطرات پر مبنی عوامل تشخیص سے بہت پہلے ظاہر ہونا شروع ہوسکتے ہیں۔ایک حالیہ تحقیق سے پتا چلا ہے کہ آپ کتنی دیر تک ایک ٹانگ پر کھڑے رہ سکتے ہیں یہ ڈیمینشیا کے ہونے کا اشارہ ہوتا ہے۔ یعنی جتنی جلدی آپ تھکیں گے، تو یہ بیماری کی علامات میں شامل ہوگی۔اب ایک نئی تحقیق میں کمزوری اور نقاہت کے بڑھنے کو ڈیمینشیا سے جوڑا گیا ہے اور ایسا بیماری کی تشخیص سے 9برس قبل ہونا شروع ہوتا ہے، اس نئی معلومات سے یہ امید پیدا ہوئی ہے کہ بیماری کی روک تھام ابتدائی مراحل میں ہوسکتی ہے۔ یونیورسٹی آف کوئینز لینڈ کے محققین نے ایک بین الاقوامی اعداد و شمار کے جائزے کے دوران امریکا اور برطانیہ سے تعلق رکھنے والے 30 ہزار افراد کا مطالعہ کرنے کے بعد مذکورہ بالا نتائج کا پتہ چلایا۔
یورپ سے سے مزید