فرمان الہی
نماز کے اوقات
ثانوی تعلیمی بورڈ کراچی کے چیئرمین سید شرف علی شاہ نے جماعت نہم سائنس و جنرل گروپ ریگولر اور پرائیویٹ کے سالانہ امتحانات برائے سال 2024 کے نتائج کا اعلان کر دیا۔
اس موقع پر قائم مقام ناظم امتحانات ظہیر الدین بھٹو اور رزلٹ کمیٹی کے ممبران بھی موجود تھے۔
چیئرمین بورڈ سید شرف علی شاہ نے کہا کہ سائنس گروپ میں ایک لاکھ 76 ہزار 784 طلباء و طالبات رجسٹر ڈ ہوئے جن میں سے ایک لاکھ 73 ہزار 461 طلباء وطالبات امتحانات میں شریک ہوئے جبکہ غیر حاضر طلباء و طالبات کی تعداد 3 ہزار 323 رہی۔
تمام پرچوں میں کامیاب طلباء و طالبات کی تعداد ایک لاکھ 20 ہزار 592 رہی، چھ پرچوں میں 23 ہزار 525، پانچ پرچوں میں 10 ہزار 154، چار پرچوں میں 7 ہزار 448، تین پرچوں میں 4 ہزار 099، دو پرچوں میں 2 ہزار 344 اور ایک پرچے میں ایک ہزار 327 امیدواروں نے کامیابی حاصل کی اور کامیابی کا تناسب 69.52 فیصد رہا۔
اسی طرح جنرل گروپ ریگولر اور پرائیویٹ میں میں 16ہزار 753 امیدواروں نے رجسٹریشن کرائی، 15 ہزار 745 امیدوار امتحانات میں شریک ہوئے جبکہ 1008 امیدوار غیر حاضر رہے۔
جنرل گروپ ریگولر میں سات پرچوں میں 5ہزار 961، چھ پرچوں میں 2ہزار 080، پانچ پرچوں میں 966، چار پرچوں میں 491، تین پرچوں میں 327، دو پرچوں میں 225 اور ایک پرچے میں 255 امیدواروں نے کامیابی حاصل کی اور کامیابی کا تناسب 56.76 فیصد رہا۔
علاوہ ازیں پرائیویٹ جنرل گروپ میں 5 ہزار 672 امیدواروں نے رجسٹریشن کرائی، 5 ہزار 242 امیدوار امتحانات میں شریک ہوئے جبکہ 430 امیدوار غیر حاضر رہے۔
پرائیویٹ جنرل کے ساتوں پرچوں میں 2 ہزار 77، چھ پرچوں میں ایک ہزار 277، پانچ پرچوں میں 726، چار پرچوں میں 395، تین پرچوں میں 266، دو پرچوں میں 166 اور ایک پرچے میں 194امیدواروں نے کامیابی حاصل کی۔
پرائیویٹ جنرل گروپ میں بھی ساتوں پرچوں میں کامیابی کا تناسب 39.62 فیصد رہا۔ جنرل گروپ ریگولر اور پرائیویٹ میں کامیابی کا تناسب 51.05 فیصد رہا۔
