کراچی(اسٹاف پورٹر) ابراہیم مرچنٹ رینکنگ ٹینس چمپئن شپ میں قومی نمبر1 اور ٹاپ سیڈعقیل خان فہد خان کو مات دے کر مینز سنگلز کے سیمی فائنل میں پہنچ گئے، عقیل خان نے اپنے حریف کو 6-2اور 6-1 سے ٹھکانے لگایا، دیگر کوارٹر فائنل مقابلوں میں پربت کمار نے شیر باز ملک کو 7-6، 7-6 اورطلحہ زبیر نے حسن فاروق کو 6-1، 6-4 سے ہرادیا، ابراہیم انتخاب کو اسد خان کے کیخلاف فتح ھاسل ہوئی، پہلا سیٹ 4-6 سے ہارنے کے بعد دوسرے سیٹ میں ابراہیم کو 6-1 کی کامیابی ملی تو ان کے حریف ریٹائرڈ ہرٹ ہونے کی وجہ سے میدان میں واپس نہیں آئے ، دوسری جانب نعمان آفتاب نے طلحہ سہیل کو 6-1، 6-1 سے شکست دے کر انڈر 17 سنگلز کے فائنل میں جگہ بنالی، دوسرے سیمی فائنل میں حسن فاروق نے فہد حیدر کو 7-5اور 6-1 سے ہرایا، انڈر 15 کوارٹر فائنل مقابلوں میں نعمان آفتاب نے امبر حسین کو 6-2 اور 6-2 سے شکست دی، مجاہد اللہ خٹک نے اشیش کمار کو 6-4 اور 6-2 جبکہ زبیر راجہ نے ایم دادا کو 6-1 اور 6-1 سے اور امین شفیع نے فرزان احمد کو 6-2 اور 6-2 سے ہرادیا، اسد اللہ خان نے ریان سہیل کو 7-5 ، 7-6 اور 10-7 سے قابو کر کے انڈر 13 سنگلزکے سیمی فائنل میں جگہ بنالی،کوارٹر فائنل میں ابراہیم خان نے اشعر میر کو 6-2 اور 7-5 سے جبکہ فرزان احمد نے فاروق کو 6-1 اور 6-0 سے قابو کیا، انڈر 11 سنگلزکے کوارٹر فائنل میں اشعر میر نے احمد بن شاہد کو 8-0 سے ہرادیا۔ دیگر مقابلوں میں حامد خان نے زین احتشام کو 9-7 اور زین محمد اللہ نے ابراہیم نعمان کو 8-3 سے شکست دی۔ عبداللہ عمران کو باصم علی کے خلاف واک اوور مل گیا۔
فرمان الہی
نماز کے اوقات
