فرمان الہی
نماز کے اوقات
جمعیت علماء اسلام (جے یو آئی۔ف) کے سینیٹر کامران مرتضیٰ نے حکومت سے ترمیمی بل پر صدر مملکت کے اعتراضات مانگ لیے۔
کامران مرتضیٰ نے اسپیکر قومی اسمبلی سردار ایاز صادق کو خط لکھا ہے، جس میں جے یو آئی کے سوسائٹیز رجسٹریشن ترمیمی بل پر صدر مملکت کے اعتراضات مانگے ہیں۔
خط میں کہا گیا کہ اس بل کے تحت ہی پارلیمنٹ نے دینی مدارس کی رجسٹریشن کی منظوری دی تھی۔
خط میں مزید کہا کہ صدر مملکت آصف زرداری کی طرف سے اٹھائے گئے اعتراضات کی نقول فراہم کی جائیں۔
جے یو آئی ف کے خط میں یہ بھی کہا گیا کہ اسپیکر کی جانب سے ان اعتراضات کو ایڈریس کرنے کےلیے کیے گئے اقدامات سے بھی آگاہ کیا جائے۔
