فرمان الہی
نماز کے اوقات
شکارپور کی ڈسٹرکٹ جیل میں مبینہ تشدد سے قیدی جاں بحق ہو گیا۔
جیل ذرائع نے بتایا ہے کہ جاں بحق قیدی کی شناخت واحد بخش چاچڑ کے نام سے ہوئی ہے۔
ذرائع کے مطابق قیدی کی ہلاکت مبینہ طور پر جیل میں تشدد سے ہوئی ہے تاہم اس حوالے سے جیل سپرینٹنڈنٹ عبد القدیر پلیجو کا کہنا ہے کہ قیدی کچھ دن سے بیمار تھا، رات دیر گئے طبیعت خراب ہونے پر اسے سول اسپتال منتقل کیا گیا تھا۔
جیل سپرینٹنڈنٹ کا کہنا ہے کہ قیدی سول اسپتال میں انتقال کر گیا جبکہ اس کی تشدد سے ہلاکت کی خبریں غلط ہیں۔
ذرائع کا کہنا ہے کہ پولیس نے مبینہ تشدد سے جاں بحق ہونے والے قیدی کی لاش ورثاء کے حوالے کرنے کے بجائے سرد خانے منتقل کر دی ہے اور سرد خانے کے باہر بھی نفری تعینات کر دی ہے۔
