کراچی (شکیل یامین کانگا /اسٹاف رپورٹر) نوجوان اور ابھرتے ہوئے کھلاڑی طلحہ زبیر سرما والا نے عمدہ کارکردگی کا مظاہرہ کرتے ہوئے رینکنگ ٹینس چیمپئن شپ کے مینز سنگلز کے فائنل میں کھیلنے کا اعزاز حاصل کرلیا جہاں ان کا مقابلہ فائنل میں ٹاپ سیڈ اور تجربہ کار عقیل خان سے ہفتے کو ہوگا۔ دوسرے سیمی فائنل میں عقیل خان نے باسانی پربت کمار کو زیر کیا۔ مینز ڈبلز کے سیمی فائنل میں حسن محمود اور زبیر راجہ، داور اور اسد نے فائنل میں جگہ بنالی۔ کراچی کلب میں کھیلی جانے والی چیمپئن شپ کے مینز سنگلز کے سیمی فائنل میں طلحہ زبیر سرما والا نے شاندار کارکردگی دکھاتے ہوئے ابراہیم التفات کو6-1 اور 6-2 سے شکست دی، دوسرے سیمی فائنل میں عقیل خان نے پربت کمار کو 6-0 اور 6-0 سے زیر کیا۔ مینز ڈبلز کے سیمی فائنل میں حسن محمود اور زبیر راجہ کی جوڑی نے فہد خان اور سعد احمد کو، داور اور اسد کی جوڑی نے ابراہیم التفات اور حسن فاروق کو شکست دی۔ انڈر 15 کے سیمی فائنل میں نعمان افتاب نے امین شفیع کو 6-4 اور 6-0 سے، زبیر راجا نے مجاہد اللہ کو 6-2 اور 7-5 سے، انڈر 13 کے سیمی فائنل میں ریاب فواد نے عبداللہ خان کو 6-3 اور 6-4 سے، فرزان احمد نے ابراہیم خان کو 6-2 اور 6-2 سے، انڈر 11 کے سیمی فائنل میں حماد خان نے اشعر میر کو، زین ایم علی نے عبداللہ عمران کو، انڈر 9 کے سیمی فائنل میں زین نے حسن جمال کو اور زین احتشام نے عبداللہ عمران کو شکست دیکر فائنل میں کھیلنے کا اعزاز حاصل کرلیا۔ انڈر 35 ڈبلز سیمی فائنل میں اسد علی بھگت اور ٓذوالفقار کی جوڑی نے رضا علی مرزا اور منظر کو، کلیم گھانچی اور حسن محمود کی جوڑی نے طاہر افتخار اور علی بھگت کو شکست دی۔انڈر 45 ڈبلز کے سیمی فائنل میں الطاف حسین اور ایم عبدالسعید نے ہمایوں اور اعجاز سرہندی کو جوڑی کو شکست دی۔
فرمان الہی
نماز کے اوقات
