فرمان الہی
نماز کے اوقات
کراچی کے علاقے ملیر ندی میں مقابلے کے بعد برکت نامی ڈاکو ہلاک ہو گیا۔
ایس ایس پی ملیر کے مطابق ہلاک ملزم ٹھٹہ اور ملیر میں وارداتوں میں ملوث تھا، جس کے قبضے سے اسلحہ اور لوٹے گئے زیورات برآمد ہوئے ہیں۔
پولیس کے مطابق ہلاک ملزم سے برآمد کیا گیا پستول گزشتہ روز شاہ فیصل پُل پر پولیس اہلکار سے چھینا گیا تھا۔
دوسری جانب لانڈھی میں مبینہ پولیس مقابلے کے بعد ملزم کو زخمی حالت میں گرفتار کر لیا گیا جبکہ اس کا ساتھی فرار ہو گیا۔
پولیس کے مطابق گرفتار ملزم ارسلان کے قبضے سے اسلحہ، نقد رقم اور موبائل فون برآمد ہوئے ہیں۔
علاوہ ازیں نیو کراچی دعا چوک کے قریب مبینہ ڈاکو شہریوں کے ہتھے چڑھ گیا۔
پولیس کے مطابق ملزم کو تشدد کے بعد پولیس کے حوالے کر دیا گیا۔
ملزم لوٹ مار کر رہا تھا، اطلاع ملنے پر پولیس موقع پر پہنچ گٸی جس نے ملزم کو گرفتار کر لیا۔
پولیس کے مطابق گرفتار زخمی ملزم کے قبضے سے پستول بھی برآمد ہوا ہے۔
