فرمان الہی
نماز کے اوقات
لندن، لوٹن(شہزاد علی)میئرلندن صادق خان نے 2030ءتک ڈیڑھ لاکھ ملازمتیں پیداکرنے کیلئے لندن گروتھ سٹریجی متعارف کراتے ہوئے کہاہے کہ منصوبے میں ٹریژری کی آمدنی103بلین پونڈ جب کہ شہریوں کی اوسط آمدنی20ہزارپونڈ تک بڑھاناشامل ہے،ہماری معیشت اگلے دس سال میں172ملین پونڈ تک بڑھ سکتی ہے۔ نمائندہ جنگ کے مطابق میئر لندن صادق خان نے شہر کی معاشی کارکردگی کو2008سے پہلے کے رجحانات پر بحال کرنے کے لیے ایک پرجوش لندن گروتھ اسٹریٹجی کا اعلان کیا ہے۔ مینشن ہاؤس میں پریس کانفرنس میں صادق خان نے حکمت عملی کے بنیادی مقاصد بیان کرتے ہوئے بتایاکہ حکمت عملی کامقصد2030تک 150,000اعلیٰ معیار کی ملازمتیں پیدا کرنا، ٹریژری کی آمدنی کو تخمینہ103بلین پونڈ تک بڑھانا، اور لندن کے رہائشیوں کی اوسط آمدنی کو آئندہ کے مقابلے میں 20ہزار پونڈ تک بڑھانا شامل ہے ۔یہ منصوبہ، لندن کونسلز، کاروباری اسٹیک ہولڈرز، اور ٹریڈ یونینوں کے تعاون سے تیار کیا گیا ہے، ہاؤسنگ اور ٹرانسپورٹیشن کے بنیادی ڈھانچے کو ترقی دینے اور بڑھانے اور 21ویں صدی کی اہم ٹیکنالوجیز کو فروغ دینے پر زور دیتا ہے۔خان نے اس حکمت عملی کے بارے میں مزید بتایا کہ بحران سے پہلے کی سطح پر ترقی کی شرح کو بحال کرنے سے ہماری معیشت اگلے دس سال میں172 ملین پونڈ تک بڑھ سکتی ہے ، جس سے نہ صرف لندن بلکہ مجموعی طور پر برطانیہ کے لیے کافی مالی فوائد حاصل ہوں گے۔ یہ فنڈز صحت اور تعلیم سمیت ملک بھر میں عوامی خدمات کو نمایاں طور پر تقویت دے سکتے ہیں۔ لندن کونسلز کی چیئر کلیئر ہالینڈ نے واضح کیا ہے کہ لندن کی ہنر مند افرادی قوت کو بڑھانے کے لیے ایک نئی ٹیلنٹ کی حکمت عملی ناگزیر ہے جبکہ اس وقت لیبر مارکیٹ سے دور رہنے والوں کی مدد کرنا ضروری ہے۔ یہ مہارتوں کی ترقی، صحت اور روزگار کی خدمات کے انضمام، اور ہاؤسنگ اور ٹرانسپورٹ کی رسائی میں بہتری میں ہدفی سرمایہ کاری کے ذریعے حاصل کیا جائے گا۔ لندن گروتھ سٹریٹجی نے نظامی چیلنجوں سے نمٹنے کے دوران تبدیلی کے معاشی مواقع فراہم کرنے کا عہد کیا ہے۔
