بہاولپور(ڈسٹرکٹ رپورٹر)ریجنل پولیس آفیسر ڈاکٹر احسان صادق کی ہدایت پرمنشیات فروشوں کیخلاف جاری کریک ڈاؤن میں بہاولپور ریجن پولیس نے کاروائی کرتے ہوئے گزشتہ 6ماہ کے دوران68204لٹر شراب،366کلو گرام چرس،9کلو گرم افیون برآمد کی اورملوث ملزمان کیخلاف الگ الگ مقدمات درج کر کئے گئے۔ریجنل پولیس آفیسر ڈاکٹر احسان صادق کی ہدایت پر ریجن بہاولپور پولیس نے اشتہاری مجرمان کیخلاف کریک ڈاؤن کرتے ہوئے8ہزار سے زائد مجرمان اشتہاریوں کو گرفتار کیاجن میں 11سوA کیٹگری اور7ہزارB کیٹگری کے شامل ہیں۔گزشتہ 6ماہ کے دوران پولیس مقابلوں میں انتہائی مطلوب16مجرمان اشتہاری ہلاک ہوئے۔ضلع بہاولنگر میں اغواء برائے تاوان کا ایک مقدمہ درج ہوا جس میں پولیس نے نا صرف4سالہ مغوی علی حیدر کوبازیاب کروایا بلکہ ملزمان کو گرفتار کرکے تاوان کی رقم مبلغ9لاکھ روپے بھی ملزمان سے برآمد کر لئے۔ نیشنل ایکشن پلان پر عملدآمد کرتے ہوئے ریجن بھر میں ساؤنڈ سسٹم ایکٹ کی خلاف ورزی کرنے پر421افراد کیخلاف مقدمات درج ہوئے۔کرایہ نامہ کے کوائف درج نہ کروانے پر 304افراد کیخلاف مقدمات درج ہوئے۔اسلحہ ناجائز رکھنے والے افراد کیخلاف 879مقدمات درج ہوئے جن میں 879ملزمان گرفتار ہوئے۔
فرمان الہی
نماز کے اوقات
