• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹریفک حادثہ، ٹرین کی ٹکر سے 3 افراد جاں بحق، بچہ جھلس کر چل بسا

میرا شہر
اسلام آباد
29 جنوری ، 2025
راولپنڈی (سٹاف رپورٹر)راولپنڈی کے مختلف علاقوں میں ایک شیر خوار بچے سمیت 4افراد جاں بحق ہوگئے ۔تھانہ مورگاہ کو وقاص احمد نے بتایا کہ میں اور میرے بہنوئی ظفر خالہ کے گھر جا رہے تھے جب ہم سواں پل کے پاس بالمقابل ہائی کورٹ سوزوکی سے اتر کر روڈ کراس کر رہے تھے تو اچانک ایک گاڑی آئی جسکی ٹکر کی وجہ سے میرے بہنوئی ظفر جاں بحق ہو گئے ۔تھانہ رتہ امرال کے علاقہ ماربل فیکٹری روڈ کے قریب ریلوے ٹریک پر ٹرین کی ٹکرلگنے سے ایک نامعلوم شخص جاں بحق ہوگیا۔سب انسپکٹر خان اعجازنے بتایاکہ مرنے والے کی شناخت نہیں ہوسکی۔ادھر تھانہ واہ کینٹ کے علاقہ سمو پھاٹک کے قریب ٹرین کی ٹکرلگنے سے ایک نامعلوم شخص جاں بحق ہو گیا۔ ایس ایچ او واہ کینٹ عمران آفریدی نے بتایاکہ لاش امانتاً سپردخاک کردی گئی۔تھانہ روات کے نواحی گاؤں موہڑہ گاڑ میں ایک سالہ بچہ جھلس کر جاں بحق ہوگیا،ذرائع کاکہنا ہے محمد زبیرکے گھر آگ لگنے سے اس کاشیر خوار بچہ جاں بحق ہوا۔
اسلام آباد سے مزید