• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

5 گاڑیاں، 25 موٹر سائیکل چوری، 3 چھین لئے گئے، اسٹریٹ کرائم بھی جاری

میرا شہر
اسلام آباد
31 جنوری ، 2025
راولپنڈی، اسلام آباد (سٹاف رپورٹر، خصوصی نامہ نگار) راولپنڈی کے مختلف علاقوں میں وارداتوں میں شہری ایک گاڑی ،رکشے 16موٹر سائیکلوں ،طلائی زیورات ،موبائل فونز،نقدی اور دیگراشیاء سے محروم ہوگئے ،11افراد سے جھپٹا مار کران کے موبائل چھین لئے گئے ۔اسلام آباد میں بھی 24وارداتوں میں چار کاریں اور12 موٹر سائیکل اڑا لئے گئے ۔تھانہ کرپا کے علاقے میں ایک موٹر سائیکل اسلحہ کی نوک پر چھین لیا گیا ۔ تھانہ ہمک اور سنبل کے علاقوں سے4موبائل فونز اور نقدی اسلحہ کی نوک پر چھین لی گئی۔6گھروں کے تالے توڑ کر جمع پونجی اڑا لی گئی ۔ راولپنڈی کے مختلف علاقوں میں گن پوائنٹ پر شہریوں سے چار موبائل اور نقدی چھین لی گئی ۔دو افراد سے موٹر سائیکل بھی چھینے گئے ۔سکستھ روڈ پر دوران سفر کفایت علی کی بہن کے بیگ سے طلائی کڑے مالیتی 9لاکھ روپے ،نیوکٹاریاں میں طیبہ کے گھر سے 60ہزار روپے اور سونا مالیتی 3لاکھ 40ہزار روپے ،مدینہ کالونی میں وحید خان کے گھرسے تالے توڑ کر ڈیڑھ لاکھ روپے اورسونا مالیتی3لاکھ روپے ،لالہ رخ میں محمد ابراہیم کے گھر کا تا لہ توڑ کر موبائل ،4 چوڑیاں،کانٹے، 2 انگوٹھیاں، ہار سیٹ دورجسٹریاں ،چکری میں محمد جنید کی دکان سے ایک لاکھ 20ہزار روپے اور دیگر سامان مالیتی تقریبا ً3لاکھ 80ہزار روپے ،چکری اڈے کے قریب کاشف محمود کی دکان کے تالے توڑ کر بارہ لاکھ روپے ، کمیٹی کی ایزی پیسہ کی کیش آٹھ لاکھ روپے، 30موبائل اور دیگر اشیاء چوری کر لی گئیں ۔
اسلام آباد سے مزید