فرمان الہی
نماز کے اوقات
پہلے بالی ووڈ اور پھر ہالی ووڈ میں نام کمانے والی معروف بھارتی اداکارہ پریانکا چوپڑا نے ایک بار اپنے کیریئر کے ابتدائی دنوں میں پیش آنے والے ایک پریشان کن واقعہ کا ذکر کیا۔
فوربس پاور وومنز سمٹ میں گفتگو کرتے ہوئے 42 سالہ اداکارہ نے ایک تکلیف دہ اور غیر انسانی تجربہ کا ذکر کیا، انکے مطابق وہ اس وقت فلم انڈسٹری میں نو وارد اور صرف 19 برس کی تھیں۔ انکے مطابق ایک فلم کی شوٹ کے موقع پر انکی ایک ہدایتکار سے پریشان کن مڈبھیڑ ہوئی۔
میں نے ان سے کہا، کیا آپ میرے اسٹائلسٹ سے بات کرکے اسے بتائیں گے کہ آپ کپڑوں اور چیزوں کے معاملے میں کیا چاہتے ہیں۔ جس پر انھوں نے فون پر کسی سے گفتگو کرتے ہوئے کہا کہ لوگ اداکارہ کے زیر جامہ کو دیکھنے کےلیے سنیما آتے ہیں، تو جسم کے نچلے حصے کے کپڑے کافی مختصر ہونے چاہئیں تاکہ میں انکے اندرونی کپڑے دیکھ سکوں۔
پریانکا کے مطابق ہدایتکار نے یہ جملے کئی بار ادا کیے۔ انکے مطابق یہ سن کر انکا دل ٹوٹ گیا تھا اور گھر جا کر میں نے اپنی والدہ سے کہا میں اس شخص کو دوبارہ دیکھنا نہیں چاہتی، جس کے بعد میں نے انکے ساتھ فلم کرنے سے انکار کر دیا تھا۔
