فرمان الہی
نماز کے اوقات
بالی ووڈ اسٹار اداکار عامر خان نے کہا ہے کہ مجھے ڈانس کرنا پسند نہیں لیکن اگر سلمان خان کا ایک گانا چلے تو مجھے ناچنے سے کوئی نہیں روک سکتا۔
بھارتی میڈیا رپورٹس کے مطابق عامر خان نے بتایا کہ میں سلمان خان کے ایک گانے کے سوا رقص نہیں کرتا، وہ میرا پسندیدہ گانا ہے اور میں ڈانس کرنے لگ جاتا ہوں۔
عامر خان نے جمعے کو ممبئی میں ناگا چیتنیا اور سائی پلوی کی فلم کے پروموشنل ایونٹ میں شرکت کی اور اپنے پسندیدہ گانے اور رقص سے متعلق بات چیت کی۔
بالی ووڈ اسٹار نے 2008ء میں الو اروند کے ساتھ فلم گجنی اور ناگا چیتنیا کے ساتھ 2022ء میں لال سنگھ چڈھا کی تھی۔
انہوں نے دوران تقریب گفتگو میں کہا کہ موسیقار دیوی سری پرساد کا ایک گانا میرا پسندیدہ ہے، جو سلمان خان کی 2011ء میں ریلیز ہونے والی ’ریڈی ‘ میں ہے، ’دھنکا چکا‘، یہ جیسے ہی یہ گانا چلتا ہے میں ڈانس کرنا شروع کردیتا ہوں۔
تعریفی کلمات پر موسیقار نے عامر خان کا شکریہ ادا کیا تو اداکار نے دہرایا کہ یہ بات سلمان خان کو بھی معلوم ہے۔
سلمان خان اور عامر خان نے 1994ء میں انداز اپنا اپنا میں ایک ساتھ کام کیا لیکن اس کے بعد وہ ایک ساتھ نظر نہیں آئے، وہ حال ہی میں سلمان خان کو فلم کے دوسرے حصے کی تشکیل سے متعلق کہہ چکے ہیں،جس کا اعتراف بالی ووڈ کے بھائی جان نے بھی کیا۔
ایک شو کے دوران عامر خان یہ بھی کہہ چکے ہیں کہ سلمان خان، شاہ رخ خان اگر ایک فلم ساتھ نہ کریں تو یہ ہمارے مداحوں کے ساتھ ناانصافی ہوگی۔
