فرمان الہی
نماز کے اوقات
ریاض (شاہدنعیم) عرب وزرائے خارجہ نے فلسطینی عوام کو غزہ سے اردن اور مصر میں جبری طور پر منتقل کرنے کے امریکی صدر کے منصوبے کو مسترد کر دیا ہے۔ وزرائے خارجہ نے متفقہ مؤقف اختیار کرتے ہوئے کہا ہےفلسطینیوں کو ان کی سرزمین سے بےدخل کرنا کسی بھی طرح کے حالات میں قابل قبول نہیں۔ ہفتہ کے روز عرب وزرائے خارجہ کا اجلاس قاہرہ میں ہوا جس میں مصری وزیر خارجہ اور دیگر حکام کے علاوہ اردن، سعودی عرب، قطر، متحدہ عرب امارات، فلسطینی اتھارٹی اور عرب لیگ کے رہنماؤں نے شرکت کی اور بعدازاں ایک مشترکہ بیان جاری کیا۔ بیان میں کہا گیا ہے کہ ایسی کوئی بھی کوشش خطے کے استحکام کے لیے خطرہ ہوگی۔ علاقے میں ٹکراؤ بڑھے گا اور امن کے امکانات میں کمی ہوگی۔ بیان میں یہ بھی کہا گیا ہے ہم سختی سے اس طرح کی کسی بھی کوشش جو فلسطینیوں کے ناقابل تنسیخ حقوق پر سمجھوتہ کرنے کے لیے ہو مسترد کرتے ہیں۔
