فرمان الہی
نماز کے اوقات
اسپیکر پنجاب اسمبلی ملک محمد احمد خان کا کہنا ہے کہ میڈیا کے بغیر میرا سیاسی وجود کچھ بھی نہیں۔
لاہور میں میڈیا ہال کے افتتاح کے بعد پریس کانفرنس کرتے ہوئے انہوں نے کہا کہ آئین میں صحافیوں اور میڈیا کا بنیادی حق تسلیم کیا گیا ہے۔
ملک محمد احمد خان کا کہنا ہے کہ اسمبلی جمہوریت کی علمبردار اور صحافیوں کے حقوق کی پاسداری کے لیے ہمہ وقت تیار ہے۔
اسپیکر پنجاب اسمبلی نے کہا کہ پنجاب اسمبلی او آئی سی سمٹ کی میزبانی کر چکی ہے، یہ اسمبلی اب جنوب مشرقی ایشیاء کی ریجینل سی پی اے کانفرنس کرنے جا رہی ہے۔
ان کا کہنا ہے کہ ایک دوسرے کا گریبان کھینچنے کے بجائے عوامی مسائل کا حل ڈھونڈنا ہے، مقبولیت کی اہمیت ضرور ہے لیکن ہمیں اپنی ذمے داری بھی نبھانی چاہیے۔
انہوں نے مزید کہا کہ سی پی اے کانفرنس میں خطے کے مسائل پر بات کرنے جا رہے ہیں، میں چاہتا ہوں کہ دہشت گردی کے عفریت سے جان چھوٹ جائے۔
ملک محمد احمد خان کا یہ بھی کہنا ہے کہ میں چاہتا ہوں کہ بھارت کے ساتھ تعلقات معمول پر آئیں اور تجارت شروع ہو۔
