فرمان الہی
نماز کے اوقات
رکن قائمہ کمیٹی وسیم قادر پنجاب کی حکومت کے خلاف پھٹ پڑے، کہا پنجاب میں آئی جی، آر پی او اور ڈی پی او تو دور کی بات ہے، ایس ایچ او بھی بات تک نہیں سنتے۔
قومی اسمبلی کی قائمہ کمیٹی برائے قواعد و ضوابط کا محمد افضل کی زیر صدارت اجلاس ہوا۔
وسیم قادر کا کہنا تھا کہ پنجاب میں بیورو کریسی بااختیار ہے، ارکان پارلیمنٹ کی کوئی نہیں سنتا۔ سندھ اور کے پی کے میں بیوروکریسی ارکان پارلیمنٹ کی کم از کم بات تو عزت سے سنتی ہے۔
مسلم لیگ ن کے رکن رضا حیات ہراج مسلم لیگ ن کے رکن سید سمیع الحسن گیلانی پر برس پڑے۔ رضا حیات ہراج نے کہا کیا زمینوں پر قبضے کرانا ارکان پارلیمنٹ کا استحقاق ہے؟ دو چار ایکڑ کا نہیں سیکڑوں ایکڑ زمین پر قبضے کا معاملہ ہے۔
ملک عامر ڈوگر نے کہا کہ پولیس کو یہاں بلا کر دباؤ ڈال کر کر زمینوں پر قبضے کی کوشش کی جا رہی ہے۔
عامر ڈوگر نے کہا کیا کسی کمیٹی رکن کو زمینوں پر قبضے کےلیے استعمال کرنے کی اجازت دینی چاہیے؟
