• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوم یکجہتی کشمیر پر شرپسند و ملک دشمن عناصر پر کڑی نظر رکھی جائیگی،آئی جی پنجاب

میرا شہر
لاہور
05 فروری ، 2025
لاہور (کرائمرپورٹر)انسپکٹر جنرل پولیس پنجاب ڈاکٹر عثمان انور کی ہدایت پر پنجاب پولیس نے یوم یکجہتی کشمیر کے موقع پرسکیورٹی انتظامات مکمل کر لیے ہیں۔ آئی جی پنجاب نے کہا کہ یوم یکجہتی کشمیر پر سکیورٹی ہائی الرٹ رہے گی اور شرپسند و ملک دشمن عناصر پر کڑی نظر رکھی جائے گی۔یوم یکجہتی کشمیر کی تقریبات اور شہریوں کو بھرپور سکیورٹی فراہم کریں گے۔ترجمان پنجاب پولیس نے تفصیلات سے آگاہ کرتے ہوئے بتایا کہ یوم یکجہتی کشمیر کے موقع پر لاہور سمیت صوبہ بھر میں 11 ہزار سے زائد پولیس افسران و اہلکار سکیورٹی و ٹریفک انتظامات پر مامور ہونگے۔175 گزٹڈ افسران، 240 انسپکٹرز، 600 سب انسپکٹرز اور 948 اے ایس آئیز سکیورٹی کے فرائض سرانجام دیں گے جبکہ 702 ہیڈ کانسٹیبلز، 08 ہزار کانسٹیبلز اور 300 لیڈی اہلکار بھی سکیورٹی ڈیوٹی پر مامور ہونگے۔سیف سٹیز اتھارٹی کے کیمروں سے تمام سرگرمیوں کی مکمل مانیٹرنگ کی جائے گی۔ ترجمان پنجاب پولیس نے مزید بتایا کہ لاہور سمیت صوبہ بھر میں یوم یکجہتی کشمیر پر 448 پروگراموں کو فول پروف سکیورٹی فراہم کی جائے گی۔یوم یکجہتی کشمیر پر 346 ریلیاں، 84 سیمینار اور 23 دیگر تقریبات منعقد کی جائیں گی۔
لاہور سے مزید