فرمان الہی
نماز کے اوقات
اپنی آنجہانی والدہ سری دیوی اور بہن کے نقش قدم پر چل کر 2023 میں ہدایتکار زویا اختر کی دی آرچیز میں کام کر کے فلمی کیریئر کا آغاز کرنے والی خوشی کپور کا کہنا ہے کہ انکا وزن بڑی بہن جھانوی کپور کی وجہ سے لاک ڈاؤن کے دوران بڑھا۔
24 سالہ خوشی اب اپنی دوسری فلم لوویاپا کی ریلیز کی منتظر ہیں جو کہ سلور اسکرین پر انکی پہلی فلم ہوگی۔
خوشی اور جھانوی کے درمیان بہت زیادہ قربت ہے اور یہ بات سب ہی جانتے ہیں کہ مووی پروموشنز کے حوالے سے جھانوی کا خوشی کے وارڈ روب یا لباس کے معاملات پر کافی زیادہ اثر و رسوخ ہے۔
ایک حالیہ انٹرویو میں خوشی نے انکشاف کیا کہ وہ کچن میں کس طرح اپنی بہن کےلیے کھانوں کو ٹیسٹ کرنے کا کام کرتی تھی۔
میڈیا سے گفتگو میں انہوں نے کہا کہ کورونا لاک ڈاؤن کے دوران انکا وزن بڑھا اور اسکی وجہ جھانوی کپور ہیں۔
خوشی نے بتایا کہ بہن کافی خوش خوراک ہیں اور وہ مجھے کم عمری سے ہی کھلاتی پلاتی رہی ہیں۔
انکا کہنا تھا کہ کوویڈ19 میں میرے وزن میں اضافے کی وجہ جھانوی تھیں جو ان دنوں کچن میں چلی جاتیں اور تمام چیزیں ملا کر کچھ بناتیں اور مجھے بھی کھلاتی تھیں۔
خوشی نے کہا کہ انکی بہن کھانوں کی شوقین اور دوسروں کو بھی کھلاتی ہیں۔
