فرمان الہی
نماز کے اوقات
پاکستانی اداکار دودی خان نے بھارتی اداکارہ و رقاصہ راکھی ساونت کے لیے ہیرے کی انگوٹھی خرید لی۔
دودی خان نے اپنے انسٹاگرام اکاؤنٹ پر نئی ویڈیو اپ لوڈ کی ہے۔
دودی خان نے ویڈیو میں بتایا ہے کہ میں نے راکھی ساونت کے لیے 18 لاکھ روپے کی اصلی ہیرے کی انگوٹھی خریدی ہے۔
دودی خان کا کہنا ہے کہ میں آج کل سوشل میڈیا پر بہت سی ویڈیوز دیکھ رہا ہوں، بہت سے افراد راکھی ساونت کو مہنگے تحائف دینے کا وعدہ کر رہے ہیں، وہ لوگ محض باتیں بنا رہے ہیں۔
راکھی ساونت نے دودی خان کی اس ویڈیو کو ری شیئر بھی کیا ہے۔
اس ویڈیو کے کمنٹ باکس میں ردِ عمل دیتے ہوئے اداکارہ نے سرخ دل کے ایموجیز کا استعمال کیا ہے جبکہ دودی خان نے لکھا ہے کہ میری جان، ہم باتیں نہیں کرتے۔
دوسری جانب مفتی قوی نے بھارتی رقاصہ و اداکارہ راکھی ساونت سے آج شادی کرنے کا دعویٰ کر دیا ہے۔
یاد رہے کہ مفتی قوی نے گزشتہ دنوں راکھی ساونت کو شادی کی پیشکش کی تھی جس پر بھارتی اداکارہ نے آمادگی کا اظہار کرتے ہوئے مثبت ردِعمل دیا تھا۔
اب راکھی اور مفتی عبدالقوی کی شادی کی تاریخ بھی منظر عام پر آ گئی ہے۔
نجی ٹی وی کے پروگرام میں گفتگو کرتے ہوئے مفتی قوی نے انکشاف کیا ہے کہ میرا 14 فروری کو راکھی ساونت سے نکاح ہو گا، نکاح کی تاریخ راکھی کی مرضی کے مطابق ہی رکھی ہے۔
