فرمان الہی
نماز کے اوقات
مشیرِ اطلاعات کے پی بیرسٹر محمد علی سیف نے کہا ہے کہ حکومت کی کامیابی ملک پر قرض میں اضافہ کرنا ہے۔
مشیرِ اطلاعات خیبرپختون خوا بیرسٹر محمد علی سیف نے ایک بیان میں کہا ہے کہ سندھ اور پنجاب کے وزراء میں لڑائی چل رہی ہے جبکہ وفاق میں ن لیگ اور پیپلز پارٹی بھائی بھائی ہیں۔
انہوں نے کہا ہے کہ یہ انداز ن لیگ اور پیپلز پارٹی کی کھلی منافقت کا ثبوت ہے، دونوں جماعتیں ’وچو وچ کھائی جاؤ اتوں رولا پائی جاؤ‘ کی عملی تصویر بن چکی ہیں۔
بیرسٹر سیف نے کہا ہے کہ حکومت کے تمام اتحادی لوٹ کے مال کی تقسیم پر لڑ رہے ہیں، رمضان سے پہلے حکمرانوں نے اپنی فیکٹریوں کی چینی مہنگی کر دی ہے۔
مشیر اطلاعات کے پی نے کہا ہے کہ 88 ہزار ارب روپے سے قرض کا بڑھ جانا معیشت کی تباہی کی گواہی ہے، ن لیگ اور پیپلز پارٹی کی نمائشی لڑائی میں عوام مہنگائی اور ملک قرض کی دلدل میں دھنس چکا ہے۔
بیرسٹر سیف نے یہ بھی کہا ہے کہ ملکی قرضوں اور واجبات میں اضافہ ن لیگ اور پیپلز پارٹی کا لایا عذاب ہے۔
