فرمان الہی
نماز کے اوقات
ملکۂ کوہسار مری میں ہلکی بارش کے بعد سیاحوں کی آمد شروع ہو گئی۔
محکمۂ موسمیات نے مری میں آج برف باری کا بھی امکان ظاہر کیا ہے۔
آسمان سے گرتے روئی کے گالوں کا حسین نظارہ دیکھنے کے لیے بڑی تعداد میں سیاحوں نے ڈیرے ڈال لیے ہیں۔
مری میں متوقع برف باری کے پیشِ نظر انتظامیہ ہائی الرٹ ہے۔
ادھر مغربی ہواؤں کا سسٹم بلوچستان میں داخل ہوگیا۔
اس سسٹم کے تحت کوئٹہ سمیت صوبے کے بیشتر علاقوں میں بارش جاری ہے۔
چمن سمیت گرد و نواح میں موسلادھار بارش کا سلسلہ جاری ہے جبکہ بالائی علاقوں میں کہیں ژالہ باری تو کہیں برف باری ہو رہی ہے۔
بلوچستان کے متعدد شہروں میں بجلی اور مواصلاتی نظام بھی متاثر ہو گیا ہے۔
دوسری جانب لاہور، ملتان، چیچہ وطنی اور حافظ آباد سمیت پنجاب کے مختلف شہروں میں بارش جاری ہے، شمالی اور جنوبی وزیرستان میں بھی بادل برسے۔
محکمۂ موسمیات کے مطابق بارشیں برسانے والا سسٹم 2 مارچ تک برقرار رہنے کی توقع ہے، جس کے تحت اسلام آباد، پنجاب، خیبر پختون خوا، گلگت بلتستان اور کشمیر میں بارش اور پہاڑی علاقوں میں برف باری کا ا مکان ہے۔
محکمۂ موسمیات کا کہنا ہے کہ آج اور کل سندھ کے شہروں لاڑکانہ، قمبر شہدادکوٹ، جیکب آباد اور سکھر میں ہلکی بارش کا امکان ہے۔
