فرمان الہی
نماز کے اوقات
سید نور نے شوبز میں خوبصورتی کی اہمیت پر گفتگو کرتے ہوئے کہا ہے کہ خوبصورت خاتون اداکاراؤں کو کامیابی حاصل کرنے میں زیادہ آسانی ہوتی ہے۔
پاکستانی فلم انڈسٹری کے معروف ہدایت کار سید نور کو پاکستانی سنیما کا استاد کہا جاتا ہے، انہوں نے فلمی دنیا میں بے شمار نئے چہروں کو متعارف کروایا۔
ان کی کامیابی کا تناسب بے حد شاندار رہا اور وہ آج بھی شوبز میں اتنے ہی نمایاں ہیں جتنے اپنے کیریئر کے آغاز میں تھے۔
حال ہی میں وہ ایک شو میں بطور مہمان شریک ہوئے، جہاں انہوں نے پاکستانی فلموں اور اداکاروں کے حوالے سے اپنی رائے کا اظہار کیا۔
جب ان سے سوال کیا گیا کہ شوبز میں اداکاروں کی شکل و صورت کتنی اہم ہوتی ہے تو سید نور نے ایک منفرد نقطۂ نظر پیش کیا۔
ان کا کہنا ہے کہ ایک ہیرو صرف اپنی اچھی شکل و صورت کی بنیاد پر کامیاب اداکار نہیں بن سکتا۔
انہوں نے وضاحت کرتے ہوئے کہا کہ دنیا کے بہترین اداکار زیادہ خوبصورت نہیں تھے بلکہ انہوں نے اپنی اداکاری کی مہارت پر توجہ دی اور اسی وجہ سے کامیاب ہوئے۔
اس موقع پر جب خواتین اداکاراؤں کی بات آئی تو سید نور کی رائے کچھ مختلف تھی۔
انہوں نے کہا کہ اگر کسی خاتون اداکارہ کی خوبصورتی نمایاں ہو، تو اسے کامیابی حاصل کرنے میں زیادہ آسانی ہوتی ہے کیونکہ ناظرین ایسی اداکاراؤں کو زیادہ پسند کرتے ہیں۔
سید نور نے یہ بھی کہا کہ عوام کی نظر میں ایک حسین اداکارہ کی موجودگی اس کے مقبول ہونے کے امکانات کو بڑھا دیتی ہے۔
