فرمان الہی
نماز کے اوقات
وزیر مملکت طلال چوہدری نے کہا ہے کہ جعفر ایکسپریس میں دہشتگردوں سے ابھی تک 150 سے زائد لوگوں کو بازیاب کروایا گیا ہے، آپریشن بہت احتیاط کے ساتھ کیا جارہا ہے تاکہ مغویوں کو بچایا جاسکے، امید ہے جلد دہشتگردوں کے خلاف آپریشن مکمل ہوجائے گا۔
جیو نیوز کے پروگرام جیو پاکستان میں گفتگو کرتے ہوئے طلال چوہدری کا کہنا تھا کہ جعفر ایکسپریس پر کل 70 سے 80 دہشتگردوں نے حملہ کیا۔
انہوں نے کہا کہ ٹرین میں سرکاری اہلکار بھی تھے، خواتین اور بچوں کو دہشتگردوں نے ڈھال بنایا ہوا تھا، ابھی بہت سارے بچوں اور خواتین کو دہشتگردوں نے ڈھال بنایا ہوا ہے،
طلال چوہدری کا کہنا تھا کہ دہشتگردوں کا مین ہینڈلر افغانستان میں ہے، اب وقت آگیا ہے کہ سخت ترین ایکشن لینا ضروری ہے۔
وزیر مملکت نے کہا کہ 400 سے زائد مسافر جعفر ایکسپریس میں سوار تھے، ٹرین ایسی جگہ موجود ہے جہاں کوئی سڑک یا راستہ نہیں، کوشش کر رہے ہیں کہ ہر کسی کو محفوظ طریقے سے نکالا جائے۔
