فرمان الہی
نماز کے اوقات
آسکر ایوارڈ یافتہ موسیقار اے آر رحمان کو چنائی کے اسپتال سے ڈسچارج کردیا گیا ہے، انہیں پانی کی کمی کے باعث اسپتال میں داخل کیا گیا تھا، ان کی صحتیابی پر سائرہ بانو نے نیک تمناؤں کا اظہار کرتے ہوئے ایک وضاحتی بھی بیان جاری کیا ہے۔
اے آر رحمان کی اہلیہ سائرہ بانو نے ان کی صحت کےلیے نیک تمناؤں کا اظہار کرنے کے ساتھ ہی وضاحت کرتے ہوئے کہا کہ انہیں ’اے آر رحمان کی سابقہ اہلیہ‘ نہ کہا جائے کیونکہ دونوں کی ابھی باضابطہ طلاق نہیں ہوئی۔
سائرہ بانو نے وکیل کے ذریعے جاری کردہ بیان میں کہا کہ ’میں ان (اے آر رحمان) کی جلد صحت یابی کے لیے دعا گو ہوں۔ مجھے اطلاع ملی کہ انہیں سینے میں تکلیف محسوس ہوئی اور ان کی انجیوپلاسٹی کی گئی ہے۔ اللّٰہ کے فضل سے وہ اب ٹھیک ہیں۔‘
انہوں نے کہا، ’میں یہ بھی واضح کرنا چاہتی ہوں کہ ہم ابھی بھی قانونی طور پر میاں بیوی ہیں، صرف الگ رہ رہے ہیں کیونکہ میں پچھلے کچھ برسوں سے صحت کے مسائل سے دوچار تھی اور میں نہیں چاہتی تھی کہ ان پر مزید دباؤ پڑے۔ براہ کرم مجھے ان کی سابقہ اہلیہ نہ کہا جائے۔‘
خیال رہے کہ اے آر رحمان اور سائرہ بانو نے گزشتہ سال 29 سالہ شادی کے بعد علیحدگی کا اعلان کیا تھا۔ اس وقت جاری کردہ بیان میں کہا گیا تھا کہ ’کئی سالوں کی ازدواجی زندگی کے بعد، سائرہ اور ان کے شوہر اے آر رحمان نے علیحدگی کا مشکل فیصلہ کیا ہے۔‘
یہ جوڑا 1995 میں رشتہ ازدواج میں منسلک ہوا تھا دونوں کے تین بچے بھی ہیں۔
