میرپورخاص( نامہ نگار/سلیم آزاد)پی سی بی ریجنل انٹر ڈسٹرکٹ سینئر کرکٹ ٹورنامنٹ کے میچ میں میرپورخاص نے ٹھٹھہ کو541 رنز سے ہرادیا ،میونسپل اسپورٹس کمپلیکس میرپورخاص میں کھیلے گئے تین روزہ میچ کا ٹاس میرپورخاص کی ٹیم نے جیت کر پہلے بیٹنگ کرتے ہوئے 361رنز بنائے بہرام خان 145،محمد صدام 45 رنزبنا سکے ،ٹھٹھہ کے عابد جان نے 4کھلاڑیوں کو آؤٹ کیا جواب میں ٹھٹھہ کی ٹیم پہلی اننگ میں 164رنز بنا کر آؤٹ ہوگئی علی احسن نے 57 رنز اسکورکئے ، محمد صدام نے 5،اور ریحان نظام الدین نے 3وکٹیں حاصل کیں ،میرپورخاص کی ٹیم نے دوسری اننگ میں 5وکٹوں کے نقصان پر 471رنز بنائے تاج وسان 138،غلام عباس 103،محمد صدام 85،اور بہرام خان53رنز بنا کر نمایاں رہے۔عبد الطیف نے 3وکٹیںحاصل کیں ،دوسری اننگ میں ٹھٹھہ کی ٹیم 127رنز بنا کر آؤٹ ہوگئی عرفان علی 38،اور عابد جان 25رنز بنا سکے میرپورخاص کی جانب سے غلام عباس نے 3جبکہ ریحان نظام الدین،شیران ملک اور محمد صدام نے 2,2کھلاڑیوں کو آؤٹ کیا ،کھیلے گئے میچ کے امپائرز شکیل احمد اور شمیم انصاری جبکہ اسکورر عاطف بلوچ تھے۔
فرمان الہی
نماز کے اوقات
