فرمان الہی
نماز کے اوقات
2025ء میں بالی ووڈ انڈسٹری میں سب سے زیادہ کمائی کرنے والے سپر اسٹار کا نام سامنے آیا ہے جسے سن کر سب ہی شائقین دنگ رہ گئے۔
بالی ووڈ کے کنگ، شا رخ خان، سلمان خان اور عامر خان اب بالی ووڈ میں سب سے زیادہ کمائی کرنے والے سپر اسٹار نہیں رہے بلکہ ان سے یہ لقب جنوبی بھارت کی فلم انڈسٹری کے اداکار نے چھین لیا ہے۔
فوربز انڈیا کی جانب سے 10 اداکاروں کے فی فلم وصول کیے جانے والے معاوضے پر مبنی فہرست جاری کی گئی ہے۔
اس تازہ رپورٹ میں انکشاف کیا گیا ہے کہ بالی ووڈ میں اب سب سے معاوضہ لینے والے اداکار الو ارجن بن گئے ہیں۔
بھارتی میڈیا رپورٹس کے مطابق اداکار الو ارجن نے مختصر وقت میں بہت زیادہ کامیاب فلمیں انڈسٹری کو دی ہیں۔
بھارتی میڈیا کی رپورٹس کے مطابق اداکار الو ارجن ایک فلم کے تقریباً 300 کروڑ یعنی 3 ارب بھارتی روپے بطور معاوضہ وصول کرتے ہیں، اس حساب سے وہ بھارت کے سب سے زیادہ معاوضہ لینے والے اداکار ہیں جن کے اثاثوں کی کُل مالیت اس وقت 350 کروڑ بھارتی روپے ہے۔
اس فہرست میں دوسرے نمبر پر بھی تیلگو فلموں کے معروف اداکار جوزف وجے براجمان ہیں جو فی فلم 1 ارب 30 کروڑ سے لے کر 2 ارب 75 کروڑ بھارتی روپے تک معاوضہ وصول کرتے ہیں۔
ان کے اثاثوں کی کُل مالیت 4 ارب 74 کروڑ روپے ہے۔
اس فہرست میں تیسرا نمبر بالی ووڈ کے کنگ خان شاہ رخ کا ہے۔
شاہ رخ خان فی فلم ڈیڑھ ارب سے ڈھائی ارب بھارتی روپے لیتے ہیں اور اُن کے اثاثوں کی مالیت اس وقت 63 ارب بھارتی روپے ہے۔
چوتھے نمبر پر اداکار رجنی کانت ہیں جو معاوضے کے طور پر 2 ارب 70 کروڑ روپے وصول کرتے ہیں اور ان کے اثاثوں کی مالیت 4 ارب 30 کروڑ بھارتی روپے ہے۔
اسی طرح عامر خان پانچویں نمبر پر ہیں جو 1 ارب سے پونے 2 ارب روپے تک فلم کا معاوضہ لیتے ہیں جبکہ ان کے اثاثوں کی مالیت 18 ارب 62 کروڑ روپے ہیں۔
اس فہرست میں چھٹا نمبر پربھاس کا ہے جن کا فلمی معاوضہ 1 سے 2 ارب روپے کے درمیان ہوتا ہے، ان کے اثاثوں کی مالیت 2 ارب 41 کروڑ روپے ہے۔
ساتویں نمبر پر اداکار اجیت کمار ہیں جو معاوضے کو طور پر 105 سے 165 کروڑ روپے کے درمیان وصول کرتے ہیں۔
اجیت کمار کے اثاثوں کی مالیت 196 کروڑ روپے ہے۔
فہرست کے آٹھویں نمبر پر اداکار سلمان خان کھڑے ہیں جن کا فلمی معاوضہ 1 سے ڈیڑھ ارب روپے کے درمیان ہوتا ہے اور ان کے اثاثوں کی مالیت 29 ارب روپے ہے۔
نواں نمبر کمل ہاسن کا ہے جن کا معاوضہ 1 سے ڈیڑھ کروڑ روپے ہے، کمل ہاسن کے اثاثوں کی مالیت 150 کروڑ روپے ہے۔
فہرست میں دسواں اور سب سے آخری نمبر اکشے کمار کا ہے جو فی فلم کا معاوضہ 60 کروڑ سے 1 ارب 45 کروڑ تک لیتے ہیں جبکہ ان کے اثاثوں کی مالیت 25 ارب کے قریب ہے۔
