فرمان الہی
نماز کے اوقات
خواتین کی قومی سلیکشن کمیٹی نے آئی سی سی ویمنز ورلڈ کپ کوالیفائر کے لیے 15 رکنی اسکواڈ کا اعلان کر دیا۔
اسکواڈ کا انتخاب کھلاڑیوں کی فٹنس اور فارم کا جائزہ لینے کے بعد کیا گیا ہے جہاں کھلاڑیوں نے وارم اپ میچز اور پریکٹس سیشنز میں حصہ لیا۔
فاطمہ ثنا آئی سی سی ویمنز کرکٹ ورلڈ کپ کوالیفائر میں پاکستان کی قیادت کریں گی جبکہ اوپنر شوال ذوالفقار کی 16 ماہ بعد انٹرنیشنل کرکٹ میں واپسی ہوگی۔
پاکستانی 15 رکنی اسکواڈ میں کپتان فاطمہ ثنا، نائب کپتان منیبہ علی، عالیہ ریاض، ڈیانا بیگ، گل فیروزہ، وکٹ کیپر نجیہہ علوی، نشرح سندھو، نتالیہ پرویز، عمیمہ سہیل، رامین شمیم، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ شامل ہیں۔
غلام فاطمہ، وحیدہ اختر اور ام ہانی کو ریزرو کھلاڑی کے طور پر شامل کیا گیا ہے۔
6 ٹیموں پر مشتمل آئی سی سی ایونٹ میں میزبان پاکستان کے ساتھ بنگلا دیش، آئر لینڈ، اسکاٹ لینڈ، تھائی لینڈ اور ویسٹ انڈیز شامل ہیں۔
لاہور کے قذافی اسٹیڈیم اور ایل سی سی اے گراؤنڈ اس ایونٹ کے 15 میچوں کی میزبانی کریں گے۔
قذافی اسٹیڈیم میں ہونے والے افتتاحی میچ میں پاکستان کا مقابلہ آئر لینڈ سے ہو گا۔
