فرمان الہی
نماز کے اوقات
پیرس: پاکستان پیپلز پارٹی یورپ کی جانب سے صدر پاکستان آصف علی زرداری کی جلد صحت یابی اور ملک و قوم کی سلامتی کےلیے خصوصی دعائیہ تقریب کا اہتمام کیا گیا۔
پاکستان پیپلز پارٹی یورپ کے صدر ڈاکٹر ارشاد علی کمبوہ کی زیر صدارت مقامی کیفے ٹیریا میں پارٹی کے بانی چیئرمین ذوالفقار علی بھٹو کی 46ویں برسی کے موقع پر محفل سجائی گئی جس میں ن لیگ کی نمائندگی سینئر رہنما چوہدری ریاض بھاپا، راجہ محمد اقبال اور رزاق مغل نے کی۔
اس موقع ڈاکٹر ارشاد علی کمبوہ نے کہا کہ پاکستان کی سیاسی تاریخ میں جمہوریت، غریب عوام کے حقوق کےلیے جتنی جانی و مالی، قید و بند کی قربانیاں پی پی پی نے دی ہیں اس کی مثال نہیں ملتی۔
انہوں نے مزید کہا کہ اگر بعض قوتیں پی پی پی کی عوامی مقبولیت کو چھپانے کےلیے منفی پروپیگنڈا اور اوچھے ہتھکنڈوں سے باز آ جاتیں تو پاکستان ایک مستحکم خوشحال ملک بن چکا ہوتا۔
ان کا کہنا تھا کہ موجودہ جمہوریت بھی شہید محترمہ بےنظر بھٹو کی مثاق جمہوریت کی بدولت ہے۔
اس موقع پر پارٹی کے بانی ذوالفقار علی بھٹو شہید کو شاندار الفاظ میں خراج تحسین پیش کیا گیا اور ان کی مغفرت کےلیے خصوصی دعا کی گئی۔
