فرمان الہی
نماز کے اوقات
پاکستان سپر لیگ (پی ایس ایل) فرنچائز ملتان سلطانز کے مالک علی ترین نے غزہ کے متاثرہ بچوں کی امداد کا اعلان کردیا۔
ایک ویڈیو پیغام میں علی ترین نے ملتان سلطانز کے ہر چھکے اور ہر وکٹ پر ایک لاکھ کی رقم فلسطین چلڈرن ریلیف فنڈ میں عطیہ کرنے کا اعلان کیا۔
علی ترین نے کہا کہ ملتان سلطانز میں ہم اپنے پلیٹ فارم کو مثبت مقاصد کے لیے استعمال کرنے پر یقین رکھتے ہیں۔
انہوں نے کہا کہ ہماری توجہ جہاں میدان میں مضبوط کارکردگی پر مرکوز ہے، وہیں ہم ضرورت مند بچوں کے ساتھ یکجہتی کےلیے برابر کے پابند ہیں۔
علی ترین نے مزید کہا کہ یہ ایک بہت بڑی کوشش میں ایک چھوٹا قدم ہے اور ہمیں اسے یہاں سے شروع کرنے پر فخر ہے۔
