فرمان الہی
نماز کے اوقات
برطانوی شہر شیفیلڈ کے 9 اسکولوں کو دھمکی آمیز ای میلز بھیجنے کے الزام میں 17 سالہ نوجوان کو گرفتار کر لیا گیا۔
ساؤتھ یارکشائر پولیس کے مطابق پیر کی صبح 6 بج کر 38 منٹ پر اطلاع موصول ہوئی کہ شیفیلڈ کے مختلف اسکولوں کو آتشیں اسلحے سے حملے کی دھمکی آمیز ای میلز موصول ہوئی ہیں۔
پولیس نے فوری طور پر معاملے کی سنگینی کو مدِنظر رکھتے ہوئے حفاظتی اقدامات کا آغاز کیا اور متعلقہ اسکولوں میں سیکیورٹی مزید سخت کر دی۔
ساؤتھ یارکشائر پولیس نے جاری کردہ بیان میں کہا ہے کہ ابتدائی تحقیقات کے مطابق یہ دھمکی حقیقی نہیں لگتی۔
قانون نافذ کرنے والے اداروں نے 17 سالہ مشتبہ نوجوان کو بدنیتی پر مبنی مواصلات کے الزام میں گرفتار کر لیا ہے، جو اس وقت پولیس کی تحویل میں ہے۔
ان کا کہنا ہے کہ احتیاطی تدابیر کے طور پر واقعے کی مکمل چھان بین جاری ہے۔
