فرمان الہی
نماز کے اوقات
برطانیہ میں ایک عجیب و غریب واقعہ پیش آیا جب ایک بچے کی پیدائش دو بار ہوئی۔
بی بی سی کی رپورٹ کے مطابق 32 سالہ لوسی آئزک 12 ہفتوں کی حاملہ تھیں جب اُنہیں معلوم ہوا کہ وہ رحم کے کینسر (ovarian cancer) میں مبتلا ہیں۔
ڈاکٹرز نے لوسی آئزک کو خبردار کیا کہ اگر بچے کی پیدائش تک کا انتظار کیا گیا تو ان کی زندگی کو خطرہ ہو سکتا ہے لہٰذا حمل کے 20 ویں ہفتے میں ڈاکٹرز نے لوسی آئزک کا آپریشن کرنے کے لیے ان کے رحم کو جسم سے نکال دیا تاکہ وہ اس کے پیچھے موجود کینسر کو نکال سکیں۔
لوسی آئزک کا پیدا ہونے والا بچہ 5 گھنٹے کے آپریشن کے دوران رحم کی شریان کے ذریعے خاتون کے جسم میں خون کی فراہمی سے جڑا رہا جس سے آکسیجن اور غذائی اجزاء بچے تک مسلسل پہنچتے رہے۔
آپریشن کے دوران پیدا ہونے والے بچے کے لیے حالات کو مستحکم رکھنے کے لیے رحم کو ایک فٹ بال کے سائز کے جراثیم سے پاک گرم نمکین پیک میں لپیٹا گیا اور پوری سرجری کے دوران احتیاط سے اس کی نگرانی کی گئی۔
مسلسل بچے کے دل کی دھڑکن اور درجۂ حرارت کو قریب سے دیکھا گیا اور گرمی کو برقرار رکھنے کے لیے ہر 20 منٹ میں پیک تبدیل کیے گئے۔
آپریشن مکمل ہونے کے بعد لوسی آئزک کا رحم آہستہ سے ان کے جسم میں واپس ڈال دیا گیا اور حمل معمول کے مطابق جاری رہا اور بلآخر جنوری کے آخر میں باحفاظت ان کے بچے کی پیدائش ہو گئی۔
اس حوالے سے سرجری کرنے والی ٹیم کے سربراہ ڈاکٹر ہومان سلیمانی نے کہا ہے کہ یہ سب سے مشکل آپریشن تھا جو بہت غیر معمولی بھی تھا۔
