فرمان الہی
نماز کے اوقات
پہلگام واقعے پر ہندو پنڈت کا کہنا ہے کہ ایسے نہیں ہوتا جو بھی سانحہ ہو مودی سرحد پار پاکستان پر الزام لگا دے، کیا کشمیری ایسا حملہ کرکے اپنا روزگار تباہ کریں گے۔
ہندو پنڈت نے کہا کہ جو اس حملے سے فائدہ اٹھا رہا ہے اسے پکڑو ورنہ دوبارہ بھی ایسےحملے ہوتے رہیں گے، یہ جو پہلگام حملہ ہوا ہے اس سے کس کو فائدہ اور کس کو نقصان ہو رہا ہے؟ کہاں ڈھونڈتے پھرو گے اس حملے کا قصور وار تو آپ کے اندر ہی ہے، جو اس حملےاور ہندو مسلم تفریق سے فائدہ اٹھا رہا ہے وہی اس کے پیچھے ہے۔
ایک بھارتی خاتون کا اس حوالے سے کہنا تھا کہ پہلگام حملہ روکنے میں ناکامی پر مودی سرکار سے ابھی تک کوئی استعفیٰ کیوں نہیں آیا، پاکستان کا پانی روکنے کے دعوے کر رہے ہیں، ابھی تک دہشتگردوں کو کیوں نہیں پکڑا۔
بھارتی خاتون نے کہا کہ جو مسلمانوں کو دہشت گرد کہہ رہا ہے اسے تاریخ کا جائزہ لینا چاہیے، مسلمانوں کو جے شری رام کا نعرہ نہ لگانے پر ہندوؤں نے قتل کردیا، یہ دہشتگردی نہیں تھی؟ بات بات پر اسلام اور مسلمانوں کو مورد الزام ٹھہرانا انتہائی غلط ہے، کشمیری طلباء کو کیوں نشانہ بنایا جا رہا ہے۔
خاتون کا کہنا ہے کہ پہلگام حملے میں ملوث لوگوں کو پکڑنے کی بجائے مودی اپنے ہی لوگوں کو لڑوا رہا ہے۔
